recipe pic

Cappuccino-lengja

Innihald

Botn:
75g Síríus Konsum súkkulaði
50g smjör
125g sykur
100g hveiti, sigtað
1tsk lyftiduft
2 egg

Cappuccino ís
2msk skyndikaffi
2msk sjóðandi vatn eða sama magn af mjög sterku og góðu espressokaffi
2 eggjahvítur
125g sykur
3dl rjómi
3msk malaðar kaffibaunir
100g Síríus rjómasúkkulaði eða Konsum, saxað

Leiðbeiningar

Setjið súkkulaðið, smjörið og sykurinn í lítinn pott og hitið við vægan hita þar til allt hefur bráðnað, hrærið vel. Sigtið hveitið og lyftiduftið saman í skál og hrærið síðan eggjunum og súkkulaðiblöndunni saman við. Setjið deigið í tvö vel smurð, aflöng form, t.d. grunn álform og bakið við 180 gráður í 12-15 mínútur. Einnig má baka botninn í einu skúffuformi og skera í tvennt á lengdina. Kælið kökubotninn. Blandið saman skyndikaffinu og vantinu og kælið. Þeytið eggjahvíturnar þar til þær fara að stífna, bætið þá sykrinum smátt og smátt út í og stífþeytið saman. Stífþeytið rjómann og blandið kaffinu varlega út í. Fínsaxið kaffibaunirnar t.d. í kaffikvörn, bætið þeim út í ásamt eggjahvítunum. Hrærið varlega í blöndunni með sleikju. Takið annan kökubotninn og leggið á miðja álpappírsörk sem er þrisvar sinnum stærri en botninn. Brjótið upp á örkina til að móta form og kanta. Setjið ísblönduna yfir botninn og leggið hinn botninn yfir. Einnig er gott að leggja botninn með álpappírnum í aflangt form. Frystið kökuna í amk 6-8 tíma. Fjarlægið álpappírinn og skerið ísinn í sneiðar. Berið fram með volgri súkkulaðisósu eða karamellusósu.

SJÁ ÖLL UPPSKRIFT