Orange-súkkulaði-smákökur
Innihald
250 g smjör, mjúkt
100 g muscovado-sykur
50 g hrásykur
300 g hveiti
2 msk nýmjólk
175 g Síríus Konsum Orange súkkulaði, gróft saxað
50 g pekanhnetur, grófsaxaðar
Leiðbeiningar
Hitið ofninn í 160°C. Hrærið smjör, muscovado-sykur og hrásykur mjög vel saman. Blandið hveitinu og mjólkinni saman við og síðan söxuðu súkkulaði og hnetum. Breiðið bökunarpappír á bökunarplötu og setjið deigið í litlar hrúgur á pappírinn með tveimur te-skeiðum. Fletjið það svolítið út með blautum fingurgómum. Stærðin fer eftir smekk hvers og eins en þessar kökur mega gjarnan vera dálítið stórar. Bakið þær ofarlega í ofni í 15–20 mínútur. Látið kökurnar kólna vel áður en þær eru settar í box.
