Deig: Hitið ofninn í 180°C. Skiptið deiginu í fjóra þriggja laga bunka. Takið hvern bunka og penslið hverja örk með bræddu smjöri. Stráið sykri yfir smjörið og síðan nokkrum sinnum hnetumylsnu. Leggið aðra örk yfir, endurtakið þetta og leggið siðan þriðju örkina yfir. Þrýstið örkunum létt saman. Skerið ávextina á miðjuna á hverjum deigbunka og takið deigið upp í miðjunni eins og skjóðu eð poka. Hnýtið lauslega með sláturgarni eða tvinna og bakið neðst í ofninum í 10-15 mín. Stráið flórsykri yfir og berið skjóðurnar fram með súkkulaðisósu og ís eða léttþeyttum rjóma.
Sósa: Setjið rjómann, sírópið og smjörið í pott og hitið að suðumarki. Takið af hitanum og brytjið súkkulaðið út í. Hrærið þar til súkkulaðið bráðnar.
Uppskrift mánaðarins
Eplaveisla
Einföld og góð í matarklúbbinn
Innihald 100g makkarónukökur
4msk portvín eða eplasafi
6-8 epli Safi úr sítrónu
3 egg
5 msk. Hrásykur eða strásykur
1tsk vanilludropar
2dl muldir Nóa kókosbitar
1dl saxaðar möndlur eða hesilhnetur
Vanillusósa
1dl sýrður rjómi
2dl þeyttur rjómi
1tsk vanillusykur
Blandið saman sýrða rjómanum, þeytta rjómanum og vanillusykrinum og berið fram með kökunni.
Leiðbeiningar
Myljið makkarónukökurnar og dreifið þeim á botninn á eldföstu formi. Dreyopið portvíninu eða eplasafanum yfir. Flysjið eplin, skerið þau í bita og dreifið bitunum yfir makkarónukökurnar. Kreistið sítrónusafann yfir eplin. Þeytið saman egginn og sykurinn, bætið vanilludropunum út í og hellið eggjamassanum yfir eplin. Blandið saman kókosbitamylsnunni og möndlunum og dreifið yfir kökuna. Bakið við 180 gráður í 30 mínútur.
